النار تحرق من وطاها

تقول الناس عينك وش بلاها
على خدك تنثر كل ماها


صحيح الناس مايدرون عني
ولاحسوا دموعي وش وراها


ولايدرون ليه اسهر لحالي
ولايدرون حالي وش براها


ولاعاشوا دقيقه في عذابي
لأن النار تحرق من وطاها


انا ياناس مجروح فؤادي
جروح خافيه محد يراها


ثلاث سنين متحمل عذابي
موصي النفس لاتبيح خفاها


ولكن للاسف خلص صبري
وكفتني المحبه من عناها


ولااقدر على جور الليالي
بكت عيني وجاها ما كفاها


اترجم همي بكلمات شعري
ابي الكلمات يبكي من قراها


يقدر عبرتي من عاش مثلي
ويبري علتي رافع سماها