خلطه خطيره بقشر الليمون &لبشره زي النونوات

صباح الخير

ولاول مره نجوم الظهر تكتب في هذا القسم انشاءالله تقدر تفيدكم بخلطة قشر الليمون

هاذي الخلطه ياحلوين اعطتني اياها كوفيرتي الله يجزاها خير يوم تجهزني قبل زواجي

مفعولها خطيييييييير مررررررررررره تفتح بس مع الاستمرار تنعم من اول استخدام تطري الجلدوهي تقريبا مقشر وصنفره وقناع للبشره في نفس الوقت

الخلطه هي خذي ليمون بالكميه اللي تبين واعصيريه وخذي قشر الليمون بس من غير العصير حقه يعني العصير اشربيه وزيعيه على الجيران سوي اللي تبين فيه لانه ما راح يدخل في الخلطه
حطي قشر الليمون في قدر الضغط و ولعي عليه النار وخليه تقريبا من ساعه لساعتين المهم انك لما تفتحين القدر وترصين على قشرة الليمون تذوب في ايدك
خذي القشر وحطيه في الخلاط الكاس واخلطيه زيييييين لين يصير زي الكريم تقريبا وثقيل
بعدين حطيه في قدر وولعي عليه النار وزيدي عليه بيالة موية ورد وبيالة مويه وملعقتين نشا
وانا بصراحه زودت ملعقتين حليب بودره ونص بياله جيلسرين
المهم خليه يطبخ شوي لين تحسين المقادير انخلطت زين مازين ولما يطلع فقاقيع طفي النار وخليه يبرد وحطيه في علبه واحفظيها في الثلاجه وعند كل استخدام طلعي مقدار جسمك ودفيه

المهم وشلون تستخدمينه انا اقولك ادهني جسمك كلللله زين مازين طبقه سميكه لنتائج افضل وخليه لين ينشف هو ينشف على طول وبعدين البسي ملابسك عادي وخليه قد ما تبين حتى لو تبين توخرينه على طول عادي لانه الشي اذا نشف خلاص ما يدخل للجلد المهم لما تجين توخرينه سوي زي الصنفره يعني لا تخلين المويه تجيك
دلكي جسمك لين ما يروح هو يطيح مع التدليك زي الصنفره والدلكه
وبسسسسسسسسسسسسس
الحمدالله اتروشي واطلعي
بس للامانه ياحبايب البي يعني قلبي انا ما استخدمتها الا 5 مرات بس قبل زواجي لانه اتزوجت مثل ذا الوقت كااان انواع البرد وما احطها الا وادقها سامري في الحمام من البرد عشان بس استناها تنشف والحين برجع لها بس لما ينتهي البرد بس بصراحه مره حلوه ويبان مفعولها من اول استخدام

وابيكم يا بنات تدعون لي اني احمل ابي نونو